المصدر جريده عين
عندكم كام سنه؟
اجابت ليلى 6سنين وملك 7 سنين
طيب بتحبوا المدرسه اكتر ولا التمثيل؟
بصراحه بنحب الاتنين.... وهنا تدخلت والدتهما قائلهاعانى قليلا من مساله احترافهم للتمثيل والسبب رغبتى فى ان تعيش بناتى طفولتهما بكل حريه
وهل قدمت ملك وليلى ادوار قبل عمر وسلمى؟
اه ظهرتا مع تامر حسنى ايضا فى كابتن هيما
ومن رشحهما للفيلمين؟
احمد لم يتدخل فى الترشيح بل كان تامر هو صاحب الفكره بعدما شاهدهما اثناء عرض احدى المسرحيات المدرسيه واعجبه اداؤهما فطلب من احمد اشراكهما فى كابتن هيما بنفس المشهد المسرحى
ملك وليلى بتحبوا تامر فى كابتن هيما اكتر ولا عمر وسلمى؟
اكيد فى عمر وسلمى لاننا كنا بنشوفه اكتر من كابتن هيما
وفى اللوكيشن كنتم بتعملوا ايه؟
على طول كنا بنهزر ونضحك جامد اوى وكان تامر بيخلينا جنبه وهو بيغنى على الجيتار
ولما كنتم بتنسوا الكلام كان بيحصل ايه؟
تامر كان بيجرى علينا بسرعه ويفكرنا بالكلام وعمره ما زعل واحده منا
ومن صاحب اقتراح ان تظهر ملك وليلى باسمهما؟
تامر نفسه اراد ان يعرفهما على الجمهور باسميهما خاصه ان جمهور احمد ظل طوال عامين يناديه باسم حازم بعد دوره فى مسلسل الرجل الاخر
ملك ايه اصعب مشهد مثلتيه؟
لما كنت بواجه بابا انى عارفه انه على علاقه بواحده غير ماما
وبعد المشهد تامر قالك ايه؟
فرح اوى وقالى هتبقى ممثله شاطره جدا
واكتر مشهد بتحبيه؟
المشهد اللى عملته مع ليلى وانا بقولها ومين سمعك مش عارفه ازاى هيجيلنا نوم بعد اللى حصل النهارده وده كان اول مشهد لينا
ولما تكبرى عايزه تبقى ممثله؟
لا عايزه ابفى دكتوره او مهندسه يعنى حاجه كبيره كده وكمان بحب انا وليلى نرسم ونلون ونرقص ونغنى اغانى تامر وبس
وعلى فكره احنا بنقوله يا تموره علشان هو صاحبنا
وكنتم خايفين من الكاميرا؟
فى الاول بس ساعه كابتن هيما وبعد كده مفيش خوف واصحابنا دلوقتى لما بيشوفونا بيفرحوا اوى وبيحبونى اوى وانا بقول فى الفيلم وانا ايش عرفنى هو انا اتجوزت قبل كده
الرئيسية 
البوابة 
التسجيل 
دخول 
السبت مارس 27, 2010 1:18 pm